Сипаттамасы
Жүректің ультрадыбыстық зерттеуі - жүрек ақауларын анықтауға, ТБЖА диагнозды нақтылау немесе теріске шығаруға бағытталған.
Көрсеткіштері
Жүректің ультрадыбыстық зерттеуін міндетті түрде туа біткен жүрек ақауы белгілері бар және жүрек шуы бар жаңа туылған нәрестелерге тағайындайды. Жүректі ультрадыбыстық зерттеу болжамды диагнозды нақтылау немесе жоққа шығаруға, сондай-ақ ауру дамуын ерте сатысында емдеу тактикасын және оңтайлы стратегиясын анықтауға мүмкіндік береді.
Жүректің УДЗ
Жүректің УДЗ (эхокардиография) жүрек-қан тамыр аурулары кезінде ғана емес, қант диабеті, қалқанша безінің патологиясын тексеру стандарттарына кіреді, күрделі операциялық араласулар алдында скрининг ретінде қолданылады және т.б.
Эхокардиография кезінде жүрек камераларының мөлшері, жүрек бұлшық етінің қалыңдығы және оның жиырылу қабілеті, өрлемелі қолқаның және оның қабырғасының мөлшері, клапанды аппараттың құрылымы және кері қан ағыстың бар болуы бағаланады.
Гипертониялық аурудың бастауыш сатысында ультрадыбыстық зерттеу кезінде жүрек өзгерістері болмауы мүмкін, бірақ емдеу басталғанға дейін кардиолог дәрігерге терапия тағайындау үшін эхокардиографияда айқындалған көрсеткіштерді білу қажет. Өзгерістер болған жағдайда процесс динамикасын байқауға болады. Ультрадыбыстық зерттеу кезінде коронарлық артерияларда стеноздар бар болуын анықтау мүмкін емес.
Доплерография
Жүректің ультрадыбыстық диагностикасы кезінде қосымша зерттеу қолданылады - тіндік доплерографиямен эхокардиография (УДДГ). Тіндік Доплер көмегімен қан ағысын әдеттегідей жүрек камераларында емес, миокарданың өзінде (жүрек бұлшықетінде) бағалайды. Компьютер қан ағысында болатын қиындықтарды көрсететін екі өлшемді түрлі-түсті суретті жасайды.
Бұл зерттеу қалай өтеді?
Доплерография 20-60 минут жалғасады. Дуплекстік УДЗ арнайы дәрі-дәрмек енгізуді талап етпейді және арнайы дайындық керек емес. Емшара жүргізілгеннен кейін пациент әдеттегі қызметін жалғастыра алады. Өйткені УДДГ ауыртпалықсыз, жансыздандыру талап етілмейді. Зерттеу алдында доктор пациентті басын сәл көтеріп үстелге жатуды сұрайды. Содан кейін зерттеу ауданына гель жағылады. Гель ультрадыбыстық толқындар таралуын жақсартады. Дәрігер датчикті теріге басып оны жылжыта бастайды. УДЗ датчигінің қысымы кейбір ыңғайсыздық тудыруы мүмкін, бірақ адамдардың көпшілігі емшараны ауыр деп санамайды. УДЗ датчигі компьютерге сигналдар жібереді, компьютер оларды суреттерге түрлендіріп мониторға шығарады.
