2008 жылы Павлодар қалалық №2 аурухананың бас дәрігері Ораз Сәрсенғалиұлы Мұқашевтың бастамасымен денсаулық сақтау басқармасының департамент басшысы Гүлфаз Кенжетайқызы Аубанованың қолдауымен №2 қалалық аурухана базасында 20-төсектік кардиохирургиялық бөлімше ашылып, Ресей, Беларусь, Литва, Израиль жетекші орталықтарында оқудан өткен бірінші бес жергілікті кардиохирург дәрігер дайындалған кезеңді кардиохирургиялық қызмет құрылуының негізгі базасы мен кардиохирургтер командасы қалыптасуының бастауы деп атауға болады.
Жүрекке алғашқы оталарды Қазақстан, Ресей және Беларусьтен шақырылған кардиохирургтер жүргізді. 2012 жылдан бастап біздің мамандар Алмас Мұратұлы Антикеев және Әділ Әділбекұлы Дюржанов кардиохирургиялық оталардың күрделілік деңгейін бірте-бірте арттыра отырып, оталарды өздігінен және ойдағыдай орындай бастады.
Сондықтан, Қазақстан Республикасында кардиологиялық және кардиохирургиялық көмектi дамытудың 2007-2009 жылдарға арналған бағдарламасы шеңберінде, 2013 жылдың 8 қаңтарында "Павлодар қаласындағы өңірлік кардиохирургиялық орталығы" өз қызметін бастаған кезде бұл қызметтің негізі құрылған болатын. Орталық қуаттылығы 50 төсек-орынды құраған. Павлодар және Шығыс-Қазақстан өңірлерінің ересектері мен балаларына көмек көрсетілді.
2014 жылы Орталық "Павлодар облыстық кардиологиялық орталығы" болып аталды. 2015 жылы № 2 қалалық ауруханамен бірікті. Біріктіру нәтижесінде Республикада алғаш рет кардиологиялық кластер құрылды және төсек-орын қуаты 200 төсекке дейін артты. Ал 2016 жылдың қаңтарынан бастап, оның базасында Павлодар қаласының кардиологиялық қызметі орталықтандырылды. Кластер және орталықтандыру облыстың кардиология қызметін үйлестіруге, емдеудің толық циклын қамтамасыз етуге және МСАК байланыс орнатуға мүмкіндік берді.
Бес жыл ішінде орталықтың барлық құрылымы өзгертілді. Бүгін ол екі клиникадан тұрады:
Кардиохирургиялық клиника құрамында:
-
Электрофизиологиялық зерттеулер зертханасы және рентгенэндоваскулярлы хирургия зертханасы: интервенциялық зерттеулер мен жедел араласу орындалатын жоғары технологиялық аппаратура және заманауи ангиографтармен жабдықталған: жүрек және коронарлық артерияларды, бас, мойын, сан артериялары тамырларын стенттеу, кеуде және құрсақ қолқасына стент-графт орнату, радиожиілікті және криоаблация және т.б...
-
Жүректің ишемиялық ауруы және жүре пайда болған жүрек ақауларының кардиохирургиялық бөлімшелері: ересектерге ашық жүрекке оталарды жүргізумен, қазір енді үйреншікті ұштастырудан бастап ең күрделі жанамалас оталарды жүргізу үшін – ұштастыру + протездеу және жүректің 3 қақпақшасының пластикасы + РЖА + өрлемелі қолқаны ауыстыру; шағын қол жеткізуден маммарокоронарлық ұштастыру, қолқа қақпақшасын жеке немесе өрлемелі қолқамен бірге ауыстыру (шағын Бенталл) және т.б..
-
Туа біткен жүрек ақаулары бөлімшесі балаларға кардиологиялық, кардиохирургиялық және оңалту көмек көрсетеді. Бөлімше ұрықтың УДЗ жүргізе отырып, перинаталдық орталықпен тығыз ынтымақтастықта жұмыс істейді және 2015 жылдан бастап 26 жаңа туған нәрестеге (0-ден 28 күнге дейін) ота жасалды (оның 15-і ашық жүрекке). Сыни дене салмағы 0,900 грамм балаларға ота жасалады.
-
Қарқынды терапия бөлімімен интервенциялық кардиология бөлімшесі – интервенциялық араласулар жасалған ересек пациенттер емделеді.
-
Ота жасау бөлімі үш операциялық блогымен, әр қайсысында "стерильді" және "стерильді емес" аймағы бар. Ағынды-сорғылы ламинарлық ауа стерилизаторлары "микроклимат" жасай отырып, ота жасайтын бөлімдерде берілген температураны үнемі ұстап тұрады.
-
Анестезиология, реанимация және қарқынды терапия ересектер мен балалар бөлімшесі: күрделілігі кез келген отадан кейінгі науқастарды күтуге мүмкіндік беретін АҚШ, Германия, Франция өндірген қазіргі заманғы наркозды және тыныс алу аппаратурасымен жабдықталған. Ауаны зарарсыздандыру функциясы бар ламинарлық-ағынды желдету жүйесі, тұрақты температура мен ылғалдылықты ұстайды, бұл іріңді-септикалық асқынулардың алдын алады. Сонымен қатар, бөлімшеде заманауи құрал-жабдықтармен жабдықталған өзіндік диагностикалық аппаратура (УДЗ, фибробронхоскоп), гемодиализ аппараттары, қан кабинеті бар. Балалар жан сақтау бөлімшесінің бірегейлігі, салмағы 500 гр нәрестені күтуге мүмкіндік беретін, неонаталды опциялы тыныс алу аппаратының бар болуы. Жаңа туылған сәбилерді қарқынды емдеу үшін фототерапия жүйесімен инкубаторлар. Қазақстан Республикасының кез келген аймағынан жаңа туған балаларды, оның ішінде шала туғандарды тасымалдауға мүмкіндік беретін көліктік кувездер. Өкпе гипертензиясын төмендету үшін азот оксидін жеткізетін аппараты бар.
-
Перфузиология, трансфузиология және экстракорпоралды қанайналым бөлімшесі - жасанды қанайналым және экстракорпоралды гемотүзету мен мембраналық оксигенация жүргізуді қамтамасыз ету үшін қазіргі заманғы аппараттармен жабдықталған. Қызметінің негізгі бағыты – жүрекке және магистральды тамырларға кардиохирургиялық араласулар жүргізу кезінде организмдегі қан айналымын тірі күйінде сақтай отырып, оны жасанды жолмен ұстау. Сондай-ақ қаңды жинау, өңдеу және трансфузиялау. Біздің облыста жасанды қан айналымы алғаш рет қолданылды.
Кардиологиялық клиника
Ересек тұрғындарға тәулік бойы кардиологиялық көмекті көрсету үшін мында тері арқылы коронарлық араласу (бұдан әрі – ТКА) орталығы құрылды және жіті коронарлық синдроммен (өзара іс-қимыл алгоритмі) пациенттерге шұғыл көмек көрсету кезінде медицина ұйымдары арасында өзара іс-қимыл алгоритмі және пациенттердің қозғалыс маршруты әзірленді. Бүкіл облыстан тәулігіне 24 сағат, аптасына 7 күн науқастар түседі. Күніне клиника арқылы 30-дан 40 пациентке дейін өтеді, шамамен 60% шұғыл түрде түседі. Сонымен қатар пациенттерді ерте оңалту жүргізіледі.
Облыстың, Ақсу және Екібастұз қалаларының барлық аудандық орталық ауруханалары телемедицина арқылы тәулік бойы ТКА орталығында немесе жетекші кардиология орталықтарында шұғыл кеңес алуға мүмкіндігі бар.
Клиникада мынадай бөлімшелер жұмыс істейді: миокардтың жіті инфаркті, сауықтыру және оңалту, созылмалы жүрек жеткіліксіздігі (бұл жерде терминалды сатыдағы операцияға жарамайтын науқастар да ем алады), жүректің ишемиялық ауруы, жалпы кардиология. Соңғы бөлімшеге негізінен жүрек ырғағының бұзылуы, миокардит, эндокардит және өкпе артериясының тромбоэмболиясы бар пациенттер жатқызылады.
Сонымен қатар стационар-алмастырушы көмек және физио емдеу көрсетіледі. Тұз шахтасы және барокамера бар.
