Сипаттамасы
Әр түрлі жазықтықта жұмсақ тіндер мен органдардың суреттерін алуға мүмкіндік беретін жоғары ақпаратты диагностика әдісі.
Клиникамызда сурет айқындығы әр түрлі дәрежедегі аппараттарында МРТ-зерттеудің кең тізбесі өткізіледі. Магниттік-резонанстық томография (МРТ) - бұл ядролық магнитті резонанс көмегімен орындалатын және контрасты препаратты енгізусіз жұмсақ тіндердің түрлі сапалы суреттерін алуға мүмкіндік беретін заманауи және жоғары ақпаратты диагностика әдісі. Зерттеу негізінде иондаушы сәулелену емес, адам ағзасында ең кеңінен таралған элемент - сутегі ядролардың магнитті резонанс принципі жатыр. МРТ әдісі іс жүзінде зиянсыз, өйткені ол алдын ала дайындауды талап етпейді және аурулар диагностикасын ересектерде (салмағы іс жүзінде шектеусіз), сондай-ақ балаларға жүргізуге мүмкіндік береді.
МРТ жүргізу үшін айғақтар
МРТ технологиясы қандай да бір органикалық көрінісі бар ауруларды (ісіктер, кисталар, даму аномалиялары және т.б.) жоғары дәлдікпен анықтап, сондай-ақ оларды емдеу процесінде динамикалық бақылау жүргізуге мүмкіндік береді.
МРТ әдісі көбінесе неврология және нейрохирургияда қолданылады, өйткені ми мен жұлынның органикалық аурулары кезінде ең ақпараттық зерттеу әдісі болып табылады. МРТ әдісі құрсақ қуысы және кіші жамбас органдары жағдайын бағалауда жоғары ақпаратты болып табылады; урологияда МРТ қуық, қуықасты безі ісіктерін көруге мүмкіндік береді, сондай-ақ буын, ірі қан тамырларының жағдайын бағалайды.
Техникалық жарақтандыру
Клиника базасында зерттеулер магнит өрісінің кернеулігі 1.5 Тл. томографтарда өткізіледі: Магнитті-резонанстық томограф GE Signa Infinity; Магнитті-резонанстық томограф Phillips Achieva Intera.
Мамандар техникалық жағынан күрделі рәсімді қауіпсіз және тиімді жүргізеді, ал Клиниканың заманауи жабдықтарында орындалған зерттеу нәтижелері, диагнозды қойып емдеуді жүргізуге көмектеседі.
Қарсы көрсетілімдері
Денеде металл болған жағдайда МРТ жүргізу мүмкін емес (жүрек ырғағының жасанды жүргізушісі, магнитті бөгде металл заттар). Ұсақ титан қоспалары (тіс брекеті, ұсақ жақшалар) болған жағдайда зерттеу жүргізу мүмкін, егер титанға сертификат болса. Буын-протез болған жағдайда, тіпті титаннан, МРТ зерттеу жасалмайды.
Сондай-ақ, сіздердің назарларыңызды аударамыз, кіші жастағы балаларға МРТ наркозбен жасалады.
