Сипаттамасы
Портативті құрылғы көмегімен тәулік ішінде жүрек ЭКГ динамикасын үздіксіз тіркеу
Тәуліктік (холтерлік) мониторлеу - ол портативті құрылғы (холтер) көмегімен жүрек динамикасын ЭКГ үздіксіз тіркеуді жүргізуге, жүрек жұмысында өзгерістерді бақылауға және науқастың қан қысымын оның белсенділігі жағдайында тәулік бойы бақылауға мүмкіндік беретін зерттеу әдісі. Тәуліктік мониторлеу арқылы мынадай жүрек-қан тамырлары жүйесі ауруларын анықтау немесе алдын алуға болады:
- аритмия (жүрек ырғағының бұзылыстары);
- стенокардия;
- гипертония (қан қысымын жоғарылату немесе төмендету);
- жүректің ишемиялық ауруы.
ЭКГ холтерлік мониторлаудан айырмашылығы:
Электрокардиография - бұл ағзаның тыныштық жағдайында 5-10 секунд ішінде электр процестерді қадағалауға мүмкіндік беретін жүрек жұмысының жазбасы. ЭКГ қарағанда, холтерлік мониторлеу науқастың әдеттегі белсенділік жағдайында 24 немесе 48 сағат ішінде жүрек бұзылуларын (миокард ишемиясының, жүрек ырғағы және өткізгіштігі бұзылуының эпизодтары, соның ішінде өмір үшін қауіпті) анықтауға мүмкіндік береді. АҚ және ЭКГ Холтер бойынша аралас мониторлау жүрек қызметін және қысым көрсеткіштерін бір мезгілде бағалауға мүмкіндік береді.
Холтерлік мониторлау артықшылықтары:
- тәулік ішіндегі зерттеу деректері ең сенімді, өйткені ЭКГ тіркеу 3 арнада жүргізіледі;
- шағын портативті тіркеуші мазасыздану келтірмейді;
- үйреншікті өмір салтын жүргізуге болады.
Холтерлік мониторлау жүргізу үшін айғақтар:
- жүректе кенеттен немесе физикалық жүктемелер кезінде туындайтын тұрақты немесе мезгіл-мезгіл ауыруы;
- кеуде ауыруы және ауырлығы;
- бас айналу және естен тану;
- ентігу;
- эмоционалдық жүктемелер кезінде жүрек ауытқулары;
- жуырда бастан кешкен миокард инфарктісі;
- қант диабеті;
- қалқанша безі ауруы;
- аритмияға қарсы жүргізілетін терапияны бағалау.
Бұл зерттеу қалай өтеді?
Шағын портативті ЭКГ тіркеушінің датчиктері кеудеге жабыстырылады, ал тіркейтін аспап пациенттің белінде орналасады. Пациент аспапты тәулік ішінде ұстайды. Холтер-мониторинг жазу рәсімі автоматтандырылған. Бұл уақытта пациентке күнделік жүргізу қажет, онда сергектену кезінде (жаяу жүру, физикалық немесе эмоционалдық сипаттағы жүктеме және т.б.), демалу уақытында, сол немесе өзге де істер орындау кезінде көңіл-күйін тіркеу керек.
Тіркеуші-құрал және күнделік қайтарылғаннан кейін, дәрігер аспаптың деректерін түсіріп алады және күнделіктегі ақпаратты компьютерге енгізеді. Цифрлық жүйе деректерді талдайды және тәуліктік электрокардиограмманы шығарады. Осы ақпарат негізінде қорытындысы берілетін болады.
Тексеру жүргізу кезінде қағидалары мен шарттары:
- аппарат таққан кезде ванна немесе душ қабылдауға болмайды (аппаратқа зиян келтірмеу үшін);
- аппараты соққыларға немесе қызуға ұшыратуға болмайды;
- мол тершеңдік тудыратын жүктемелерден аулақ болу;
- электр беру желілері жанында болмау;
- өз көңіл-күйі туралы күнделігін жүргізу.
Тексеруге арнайы дайындық қажет емес, кедергі жоқ.
| 1 | ЭКГ Холтерлік монитрлау |
| 2 | АҚ тәуліктік мониторлау |
Қызметтердің толық тізбесі және бағаларымен мына жерде танысуға болады.
