20 октября 2025
Жүрек-қан тамырлары аурулары дүние жүзінде өлім мен мүгедектіктің негізгі себептерінің бірі болып қала береді. Жүрек-қан тамырлары патологиясы проблемасы оның кең таралғандығына және халықтың денсаулығына айтарлықтай әсер етуіне байланысты үнемі назар аударуды талап етеді.
Медицина қызметкерлерін осы аурулармен күресудің заманауи әдістері туралы уақтылы ақпараттандырудың маңыздылығын түсіне отырып, Павлодар облыстық кардиологиялық орталығы Павлодар облысы бойынша қан айналымы ауруларының кураторы ретінде кардиологтар, терапевтер, жалпы тәжірибелік дәрігерлер және невропатологтар үшін кардиологияның өзекті мәселелері бойынша облыстық конференция ұйымдастырды.
Конференцияға Павлодар облысынан 150-ден астам маман қатысты.
Өзекті тақырыптар бойынша 19 баяндама жасалды: ғылыми жетістіктер мен клиникалық тәжірибелер, инновациялық технологияларды енгізу және атеросклероз, созылмалы жүрек жеткіліксіздігі, жүрек ырғағының бұзылуы, инсульт және кардиохирургиялық операциялардан кейін пациенттерді оңалту сияқты кең таралған патологияларға қарсы тиімді алдын алу шараларын әзірлеу.
Сондай-ақ кардиологияда жасанды интеллектті енгізу тақырыбы талқыланды.
Конференция барысында жүлделер ұтыс ойыны өткізіліп, конференцияға 20 қатысушы естелік сыйлықтардың иегерлері атанды.
Конференция жүрек-қан тамырлары денсаулығы саласында жұмыс істейтін мамандардың өзара әрекеттесу алаңына айналды.
Конференцияға қатысу медицина мамандарына кәсіби даярлығын арттыруға, диагностика мен емдеу тәсілдерін жетілдіруге, өмір сүру көрсеткіштерін жақсартуға және аймақ тұрғындарының аурушаңдық деңгейін төмендетуге ықпал етеді.
